Salam ya hussain

http://novelskhazana.blogspot.com/


سلام یا حسینؑ

شبِ سیاہ  سے   لڑتی ہوئی  ضیا  کو  سلام
دیے  کا  مرثیہ  پڑھتی  ہوئی  ہوا  کو سلام

جو  بامِ عرش  سے  لوٹی ہے  سرخرو ہو کے
شکستہ  قلب  سے  نکلی ہوئی دعا کو سلام

کہ  بحرِ نار  کے  دہانے   سے   حُرؑ  پلٹ  آئے
اے مرے  ہادی  و مولا  تری  عطا  کو  سلام

بھنور  میں  ڈوبتی  کشتی  بچا  کے  لے  آیا
خدا کا شکر کروں اور میں ناخدا  کو  سلام

اسی کے  جسم  میں  شامل  ہوا ہے پاک لہو
ملا  وہ  شرف کہ  اس خاکِ کربلا  کو  سلام

رضائے حق  میں کٹائے ہیں سر شہیدوں  نے
خدا  کے  عشق  میں  ہر  ایک مبتلا کو سلام

انہیؑ  کے  نام  کا  صدقہ   ہے   زندگی  ارشد
حسین ؑ ابنِ علیؑ ،    پسرِ فاطمہٰؑ    کو   سلام

ارشد محمود ارشد

اشعار ارشد محمود ارشد

ارشد محمود بہت اچھے شا عر ہیں ان کی شا عری ہر مو ضو ع پر محیط ہے ۔پڑ ھنے والا ان۔کی شا عری سے متا ثر ہو ئے۔بنا نہیں رہ سکتا۔ان کے چند اشعار آپ سب کی نظر

گھنے درخت کے سائے میں جب قیام ہوا

میں پہلی بار پرندوں سے ہمکلام ہوا

بنانے والے نے سوچا یہ دل بناتے ہوئے 

کہیں تو اپنے بھی رہنے کا انتظام ہوا 

ارشد محمود ارشد

۔۔۔۔۔۔۔۔۔۔۔

زندگی آپ سکھاتی ہے قرینے سارے

زخم ملتے ہیں تو جینے کا ہنر آتا ہے 

ارشد محمود ارشد

۔۔۔۔۔۔۔۔۔۔

بدن کی بھربھری مٹی کو دھول کر بیٹھا 

کسی کے واسطے میں راستہ بناتا ہوا

ارشد محمود ارشد

۔۔۔۔۔۔۔۔۔۔۔۔۔

یہ کوئی اور طلب پانیوں میں لے آئی 

مرا خیال کسی جل پری میں تھا ہی نہیں 

ارشد محمود ارشد

۔۔۔۔۔۔۔۔۔۔

آؤ دو چار قدم چل کے ذرا دیکھتے ہیں

پھول بہتے ہوئے پانی میں کہاں سے آیا 

ارشد محمود ارشد

۔۔۔۔۔۔۔۔۔۔۔۔۔۔۔

اسے میں رازداں کرنے لگا تھا 

لپٹ کے رو پڑی دیوار مجھ سے 

ارشد محمود ارشد

۔۔۔۔۔۔۔۔۔۔۔۔۔

بوڑھے پیڑ کی چھاؤں کیسے بانٹو گے

آنگن میں دیوار اٹھانا ٹھیک نہیں 

ارشد محمود ارشد

۔۔۔۔۔۔۔۔۔۔۔۔۔

بینائی کا فیصلہ ہونے والا ہے 

میں نے اک سورج سے آنکھ ملا لی ہے 

ارشد محمود ارشد 

۔۔۔۔۔۔۔۔۔۔۔۔۔۔۔

یہ مٹی پاؤں مرے چھوڑتی نہیں ورنہ

فلک کا راستہ بھی سامنے پڑا ہوا ہے 

ارشد محمود ارشد

۔۔۔۔۔۔۔۔۔۔۔

پاؤں پکڑے تھے بہت گاؤں کی مٹی نے مرے 

کتنی مشکل سے ترے شہر کو ہجرت کی ہے 

ارشد محمود ارشد 

۔۔۔۔۔۔۔۔۔۔۔

غم اٹھا کے بھی مسکراتا ہوں 

کون سی خاک سے بنا ہوں میں 

ارشد محمود ارشد

۔۔۔۔۔۔۔۔۔۔۔۔

مداری بس تماشا کر رہا تھا

مگر  بچہ  جمورا مر رہا تھا 

بدن کی ریت اڑنا چاہتی تھی

میں صحرا آنسوؤں سے بھر رہا تھا 

ارشد محمود ارشد

۔۔۔۔۔۔۔۔۔۔۔۔ 

زمیں کی کوکھ سے پہلے شجر نکالتا ہے 

وہ اس کے بعد پرندوں کے پر نکالتا ہے 

شبِ سیاہ میں جگنو بھی اک غنیمت ہے

ذرا سا حوصلہ اندر کا ڈر نکالتا ہے 

ارشد محمود ارشد

۔۔۔۔۔۔۔۔۔۔۔۔۔۔

غیر ممکن ہے مگر کر کے دکھا سکتی ہے 

زندگی موت سے آنکھیں بھی ملا سکتی 

ارشد محمود ارشد

۔۔۔۔۔۔۔۔۔۔۔

مرے اندر کا مجنوں مر چکا تھا

اسے مجھ سے محبت ہو رہی تھی 

ارشد محمود ارشد

۔۔۔۔۔۔۔۔۔۔۔۔

جب ہم دونوں مٹی سے تخلیق ہوئے 

پھر تجھ میں کیا ایسی بات نرالی ہے 

ارشد محمود ارشد

۔۔۔۔۔۔۔۔۔۔۔۔۔۔۔۔

ہر ایک کال پہ اس کا گماں گزرتا ہے 

جو ایک شخص کبھی رابطے میں تھا ہی نہیں 

ارشد محمود ارشد

۔۔۔۔۔۔۔۔۔۔۔۔۔

اس لیے ایک ہی محبت کی 

ایک ہی دل تھا یار سینے میں 

ارشد محمود ارشد

۔۔۔۔۔۔۔۔۔۔۔۔۔

درد جب ہو فزوں کہانی میں 

رنگ آتا ہے یوں کہانی میں 

میرا کردار چیخ اٹھتا ہے 

ہونٹ جب بھی سیوں کہانی میں 

ارشد محمود ارشد

۔۔۔۔۔۔۔۔۔۔۔۔

کشتِ دل پر تمہاری یادوں کی 

روز ہوتی ہے ریشمی بارش 

ارشد محمود ارشد 

۔۔۔۔۔۔۔۔۔۔۔

ابھی کچھ دن مناجاتیں رہیں گی 

ابھی سر پر مصیبت ناچتی ہے 

ارشد محمود ارشد 

۔۔۔۔۔۔۔۔۔۔۔۔

بدلتے موسموں کے تیوروں  کا 

ہمیں ادراک ہونا چاہئیے تھا 

ارشد محمود ارشد 

۔۔۔۔۔۔۔۔۔۔۔۔۔

صرف کارِ زیاں سمجھتے ہیں 

لوگ چاہت کہاں سمجھتے ہیں 

پیڑ کرتے ہیں گفتگو ارشد

پنچھی ان کی زباں سمجھتے ہیں 

ارشد محمود ارشد

۔۔۔۔۔۔۔۔۔۔۔۔۔

میں جانتا ہوں مرے یار گرنے والی ہے 

شکستہ جسم کی دیوار گرنے والی ہے 

مدار چھوڑ کے یکدم لرزتی ہے ایسے 

زمیں خلاؤں کے اس پار گرنے والی ہے 

ارشد محمود ارشد

۔۔۔۔۔۔۔۔۔  ۔

سرخرو ایسا ہوا ہوں عشق میں 

ایک دھڑکن بھی نہ پس انداز کی 

ارشد محمود ارشد

۔۔۔۔۔۔۔۔۔۔۔۔۔

میں اک ایسی کہانی ہوں کہ جس کا

کہیں گم ہو گیا عنوان مجھ میں 

ارشد محمود ارشد

۔۔۔۔۔۔۔۔۔۔۔۔۔

بے سبب تو نہیں آہوں کی نوا گونجتی ہے

چوٹ پڑتی ہے تو ڈھولک کی صدا گونجتی ہے 

ارشد محمود ارشد

۔۔۔۔۔۔۔۔۔۔۔۔۔۔۔

Ghazal

http://novelskhazana.blogspot.com/

کچھ تازہ اشعار

ایک  بعد  مدت   آیا  بھی  تو   ایسا  فیصلہ
اس  طرح مبہم کہ جیسے ہو ادھورا فیصلہ

ان سیاسی شعبدہ بازوں کے چنگل سے نکل
ووٹ  کی طاقت کا کرنا اب کے اچھا فیصلہ

بادباں  میں  چھید  ہیں  پتوار  بھی ٹوٹا ہوا
ناخدا  مشکل  میں جانے کیا کرے گا فیصلہ

یہ جدائی بھی سزائے موت سے کم تو نہیں
کس سہولت سے مجھے تم نے سنایا فیصلہ

عین  ممکن  ہے کہ  ارشد  کل خبر  یہ عام ہو
اور  واپس   لے  لیا   منصف  نے  اپنا  فیصلہ

ارشد محمود ارشد

نظم

انہی  سوچوں   میں  دل  اٹکا  ہوا  ہے
کہ     میرِ کارواں     بھٹکا    ہوا     ہے

کوئی   انہونی   ہو گی   اب  کے  شاید
درِ دل    پر    سنو !   کھٹکا    ہوا    ہے

میں کیوں اس سے مصافحہ کر رہا ہوں
کہ  جس   نے  ہاتھ  یہ  جھٹکا  ہوا  ہے

یہ    دل  چرخِ تمنا    سے    پھسل   کر
غموں  کی   شاخ   میں   اٹکا   ہوا   ہے

ہر  اک  بندے  کا   اب   احساس   ارشد
صلیبِ وقت     پر     لٹکا      ہوا     ہے

ارشد محمود ارشد

نئی غزل ارشد محمود ارشد

جس  پیڑ  کو  بھی پیار  کی آب و ہوا لگے
وہ موسمِ خزاں میں بھی سب سے ہرا لگے

جینے  کی  آرزو   ہو  اگر  دل میں جاگزیں
تنکے    کا   ڈوبتے   کو    بڑا     آسرا   لگے

مجھ کو مرے نصیب کی ہیں کلفتیں عزیز
'' ایسی  دعا  نہ  دیجئیے  کہ  بد دعا لگے ''

تیور  بتا رہے  ہیں  کہ بگڑی  ہوئی  ہے بات
سورج ، زمیں سے ان دنوں اُلجھا ہوا  لگے

لاؤں گا  جوئے شیر  میں  کیسے  نکال  کر
یہ  میرا مسئلہ ہے تمہیں اس سے کیا  لگے

مجھ  کو  تمہاری  بات  کا  آتا  نہیں یقیں
اے دوست معذرت جو تجھے سچ برا لگے

 دوزخ مرے وجود کا ٹھنڈا ہو  اس طرح
ارشد  اسے کہو  کبھی سینے  سے  آ  لگے

ارشد محمود ارشد

کبھی میں یاد آؤں تو

کبھی میں یاد آؤں تو

New Ghzal by Arshed mehmood Arshed

Ghazal by arshed mehmood

Book Sham ki dehlez per

www.sham ki dehlez par by Arshad mehmood Arshad.com.pk