تضاد از سیدہ آ یت

http://novelskhazana.blogspot.com/

۞۞۞۞سیدہ آیت۔۔۔۔۔۔۔۔ ساہیوال::::: تضاد ::::::آنکھیں دیکھ رہی تھیں۔۔۔۔۔۔۔۔۔۔۔۔۔۔۔۔۔سامنے بازار تھااور ہجوم بے مہار۔۔۔۔۔۔۔۔ہر سو بھیڑ تھی۔۔تاجر ہیولوں کی بھیڑ۔۔۔۔۔۔۔۔۔۔کئی جگہ مشتری ہوشیار باش کے اشتہار آویزاں تھے ۔کاروبار عروج پر تھا۔۔۔۔۔۔۔۔اب کے فصل تازہ کی پیداوار توقع سے بھی بڑھ گئی تھی۔۔۔۔ہر نوع کی جنس سجی تھی۔عیار پرستوں کی عید تھی۔۔۔۔۔ترازو تیار تھے۔۔۔۔کوئی بیچنے کو بے قرار تھا۔۔۔۔۔۔ کوئی خریدنے کو بے چین ۔۔۔۔بولیاں لگ رہی تھیں۔۔۔۔۔گہری کالی آنکھوں کی خمدارپلکوں کی چلمن سے لگی جنس انمول بے نیازی سے تلنے اور ترازو چڑھنے کے تماشے دیکھ کر محظوظ ہو رہی تھی۔۔۔۔۔بکاؤ نہ ہونے کا فخر اس کے شاہانہ چہرے کی تمکنت کو ضو بخشرہا تھا۔۔یکایک اک سیاہ پوش کی نظر اس پہ پڑی۔ضو ، زردی میں بدلی۔۔۔۔۔۔۔۔۔تجوریاں پٹاریاں بن گئیں اور سنہرے سکے کالے سانپ۔۔۔۔نظر نے زاویہ بدلا تو وہ لڑکھڑا کر گری اور مالا کے موتیوں کی طرح بکھرتی چلی گئی۔۔۔۔۔۔۔اس سے پہلے کہ وہ اٹھتی ، خلقت جھپٹ پڑی۔۔۔فرار نہیں تها چاہتے ہوئے بھی نہیں تھا... وہ گڑگڑا رہی تھی ۔ تبدیلئ قالب کی دعائیں ٹیسوں کی طرح سینہ ء پرغم سے بےتاب ہو کر اٹھنے لگیں۔ نالہ ء درد آواز کا محتاج ہوا ۔۔۔۔۔۔۔ گریہ ء خاموش کی خشک ٹہنیوں سی رگوں میں نوحوں کا دم اٹک گیا، روحانی بنجر پن کا دیو سب کوکھانے کے لیے تیار تھا -گماں کے تیور بدلے تو یقین کے سب سرے ٹوٹ گئے۔دن کی روشنی پر اماوس کے آسیب نے پر کیا پھیلائے چشمِ زدن میں دنبھی مثلِ شب رنگ بدل گیا۔۔ آس کی دیوی مسکراتی ہوئی دور نکل گئی تھی -گالی نے اسے بچا لیا پر .... پهر یوں ہوا کہ زر کی اس بے موسمبارش میں سب سے زیادہ سستے دام اسی کے تھے ۔۔۔